تەمەنی ئافرەت كاریگەرە بە كۆمەڵێك لەو پاڵنەرانەی پەیوەندیان بە ژیانی هۆرمۆنیی و پاراستنی تەندروستییەوە هەیە.
لە لێكۆڵینەوەیەكدا كە پێگەی (لۆفیگارۆ )ی فەرەنسی بڵاویكردۆتەوە باس لەوە دەكات كە منداڵبوون یەكێكە لەو پاڵنەرانە.
توێژەران لە توێژینەوەی( EPIC) كە لە ساڵی 1992 لەسەر 500 هەزار ئەوروپی ئەنجامیانداوە كە لە خولێكی پزیشكی(BMC) بڵاویانكردۆتەوە ئاماژە بۆ ئەوە دەكەن، بوونی یەك منداڵ بە لایەنی كەمەوە یەكێكە لەو پاڵنەرانەی تەمەنی ئافرەت درێژ دەكەن
توێژەران هەستان بە بەراوردكردنی (320)هەزار ئافرەت كە تەمەنیان لە نێوان 25-70 ساڵدابوو، بۆ ئاشكرا كردنی كاریگەرییە جیاوازەكانی منداڵبوون لەسەر ژیانی ئافرەت بە بەراوردكردنی لە كاتی ڕێگری لە منداڵبوون ،كاتی سووڕی مانگانە، تەمەنی نائومێدی، لابردنی منداڵدان یان هێلكەدان، نەزۆكی.
بۆیان دەركەوت كە منداڵبوون پەیوەندی بە گۆِرانكارییە فسیۆلۆجییەكانەوە هەیە، كاریگەری ئەو پاڵنەرانەش لەسەر تەندروستی ئافرەت لە ماوەیەكی درێژدا دەردەكەوێت.
54