منداڵان هەندێکجار تووشی بارێکی دەروونی ناخۆش دەبن، بەهۆی رووداوێکەوە کە رەنگە دایکان و باوکان هەستی پێنەکەن، بەڵام زۆر گرنگە زوو بزانرێت و هۆکارەکەی بدۆزرێتەوە و چارەسەر بکرێت، دەنا کاریگەری سلبی دەبێت.
بەگوێرەی هەواڵێکی ounousa نیشانەکانی تووشبوونی منداڵ بە حاڵەتێکی دەروونی ناجێگیر:
1-گۆڕانکاری لە میزاجیدا روودەدات، بۆ نمونە زۆر خەمبار دەبێت یان وەک جاران نایەوێت یاری بکات و بچێتە ناو هاوڕێکانی و گۆشەگیر دەبێت.
2-هەستکردن بە ترس و دڵەڕاوکێ، بۆ نمونە تەنگەنەفەس دەبێت و دادەچڵکێت یان لێدانی دڵی خێرا دەبێت.
3-کێشی دادەبەزێت و بایەخ بە خواردن نادات هاوشێوەی جاران.
جۆرەکانی نەخۆشی دەروونی لای منداڵ:
1-رەنگە تووشی جۆرێک لە دڵەڕاکێی تایبەت ببێت، بۆ نمونە واسواسی یان توڕەبوون و رەفتاری توند یان نینۆک خواردن.
2-هەندێک کات حاڵەتی دەروونی جیاوازە و ئارەزووی زیاد دەبێت بۆ خواردن و کێشی زیاد دەکات.
3-بەهیچ شێوەیەکی تاقەتی کەسانی چواردەوری خێزان و هاوڕێکانی نییە، بیرکردنەوەکانی سلبی دەبێت یان توانای بیرکردنەوەی لەدەستدەدات.
لەکاتی بوونی هەریەکێک لەم حاڵەتانە دەبێت، سەردانی پزیشک بکەیت یان کەسانی پسپۆڕی دەروونی تا دڵنیابیتەوە لە بارودۆخی منداڵەکەت و زوو چارەسەرکردنی.