خەمۆکى یەکێکە لە نەخۆشییە هەرە بڵاوەکان لەم سەردەمەدا، زۆر کەس لەپڕ تووشى ئەم حاڵەتە دەبن و چیتر هیچ ئارەزوویەکیان لە ژیاندا نامێنێت.
پێش هەموو شتێک دەبێت بزانیت ئەم بارودۆخە دەروونییە تەنها پەیوەستە بە خودى خۆتەوە، خۆشت دەتوانیت چارەسەرى بکەیت.
یەکەم: گرنگى بە وردەکارییەکانى ڕۆژانەت بدە
دەبێت بگەڕێیتەوە بۆ چالاکییە ئاساییەکانى ژیان، هەوڵبدە لە گەرماوێکى گەرمدا خۆت بشۆیت، باش بخەوە و سیستەمى خەوت ڕێکبخەرەوە، بچۆرە دەرەوە و هەوایەکى پاک هەڵبمژە و بچۆرە بەر خۆر.
لە هەمووشى گرنگتر وەرزشبکە، چونکە دەبێتە هۆى دابەزاندنى ڕێژەى ئەو هۆرمۆنانەى تووشى خەمۆکیت دەکەن.
دووەم: کەسێکى کراوەبە
زۆرێک لەو کەسانەى تووشى خەمۆکى دەبن لە دەوروبەرەکەیان دووردەکەونەوە و حەز بە تەنهایی دەکەن، دەبێت لە بازنەکەى خۆت بێیتە دەرەوە و هاوڕێکانت ببینیت و لەگەڵ خەڵکیدا کراوەبیت.
هەروەها خوێندنەوە دەکرێت زۆر سوودت پێبگەیەنێت تا خەیاڵت فراوانتر بکات و بە شێوەیەکى تر سەیرى دەوروبەرت بکەیت.
سێهەم: دووبارە ئامانجەکانت دیاریبکەرەوە
خەمۆکى واتە شڵەژان و ڕووننەبوونى ئەو ڕێگایەى پێیدا تێدەپەڕیت، دەبێت لەگەڵ خۆتدا قسە بکەیت و بزانیت چیت دەوێت و دەتەوێت چى بگۆڕیت لە ژیانتدا؟ ئەو ئامانجانە دابنێ کە دەتەوێت پێیان بگەیت و دەستبکە بە کارکردن لە پێناویاندا.
