شۆڕش خالید ئاژگەیی:
ڕوتان ڕەش داکۆکیکارانی بەناو پاراستنی مافی مرۆڤ.
دارزێن بەرگریکارانی بەناو دیموکراسی.
شەرمەزاربن زوڕنا ژەنانی پاراستنی ئازادی.
سەرشۆری بۆتان بانگخوازانی پاراستنی مافی گەلانی ژێر دەستەو ستەم لێکراو
ڕووتان ڕەش دانیشتوانی ناو کۆشکە تاریکەکانی ویژدان خەواندن‌و مرۆڤایەتی گەوجاندن‌و لەخشتەبردن.
داڕزێن بەرژوەندیخوازانی بازرگانی‌و تامەزرۆیانی نەوت و گاز و دۆلار ویۆرۆ.
کوا حەیاتان؟ کوا شەڕفتان؟ کوا کەڕامەتتان؟ بۆ کوێ باری کردووە ویژدانی خەوتوتان؟ بۆ خۆتان لەنەفامی‌و نەفامیداوە لەئاست ئەم مامەڵە دور لەپڕەنسیپ‌و مۆڕاڵەی بەرامبەر بەتاکی کوردو چارەنووسیەروە دەکرێ؟…لەکۆشکو تەلارە تۆز لێ نیشتووەکانی حوکمڕانی دیموکراسیتان دەرکەون… کۆبوونەوە چەواشەکاریە بێ ماناکاتان جێ بهێڵن‌و وەرنە گۆ… بکەونە قسە… بئاخڤن و دەنگ هەڵبڕن…تا کەی ماتی‌و بێ دەنگی‌و خۆمراندن‌و لەخشتەبردنی مرۆڤایەتی؟!
ساڵەهایە….ساڵەهایە گوێجکەی ئێمەتان بەدروشمە باق و بریقەدارەکانتانەوە کەڕ کرد…ساڵەهایە قسەی بنی زمان و سەری زمانتان ماف و ئازادی و دیموکراسی‌و ئازادی گەلان بووە…چاومان کوێرایی دا ئەوەندەی بەیاننامە کڵێشەییەکانتانمان خوێندەوە…هیلاک بووین ئەوەندەی بەدیار کۆنفرانسە ڕۆژنامەواییەکانتانەوە دانیشتین… لەنیگەرانیەکانتان بێزار بووین… لەجاڕنامەکانتانەوە نائومێدو هیوا بڕاو بوین…بێزار بووین لەو گوتارە قێزەوەنانەی داوای پاراستنی یەکپارچەیی داگیر کەرانمان لێدەکات..ئێوە بە تەنگ پاراستنی یەکپارچەیی تەماع‌و بەرژەوەندیە ئابوریە نەبڕاوەکانتانەوەن، نەک پاراستنی مافەکانی مرۆڤ…بۆ ئێمە مرۆڤ نین؟ ئێمە ئەندامی کۆمەڵگەی مرۆڤایەتی نین؟ یا پێوەرەکانی مرۆڤ بوون لای ئێوە چەمکێکی لاستیکیە بە ئارەزووی خۆتان شرۆڤەی بۆ دەکەن و لەهەر کوێیەک بەرژوەندیەکانتان کەوتنە مەترسیەوە، وەک کارتێکی سیاسی بەرزی دەکەنەوە؟
ئێوە نەک جارەک و دوای کۆتایی یەکەم جەنگی جیهانیەوە ئێمەتان دابەش کرد بە سەر چوار وڵاتەوە..ئێوە ئێستاشی لەگەڵدابێ بەردەوامن لەسەر پەراوێز خستنمان، بەردەوامن لەسەر ڕێچکەی نامرۆڤانە و دوور لە پڕەنسیپتان لە شێوازی مامەڵەی ناشایستەتان دهەمبەر دۆزی ڕەوامانەوە…
بۆ دەبێ ئێمەی بێ دەوڵەت و بێ وڵات تا ماوین باجی پاراستنی بەرژەوەندیەکانی ئێوە بدەین؟ بە ئێمە چێ هاوکێشە سیاسیەکانی ڕۆژهەڵاتی ناوەڕاست دەبێ لە بەرژەوەندی ئێوەی دابەشکار و بانگەشەکاردا بشکێتەوە؟ تا کەی دەبێ ئێمە پارسەنگی تەماعکاریەکانی ئێوە ڕابگرین و هەرکاتێ پێویستیتان پێمان بوو، هاپەیمانتان بین و هەر کاتێکیش دۆخەکە لە بەرژوەندیتاندا شکاوە، پەراوێز بخرێن؟ با بەس بێت دووفاقیەت و دووڕوویی و سیاسەتی پڕ لە نیفاقتان.
ئەگەر مێژوو بۆ ئێوەی شەرمەزاروو سەرکزی هەڵگیرسێنەری دوو جەنگی ماڵوێرانکەری جیهانی، هەڵگری کاولکاری بووبێت، واتان لە مێژوو کرد لە ئاست بێ هەڵوێستی و دەستەوەستانتان بەرامبەر هەڵمەتە یەک لە دوا یەکەکانی قەڵاچۆکردنی کورد، سەربەرز نەکاتەوەو دەیان جار بە درێژایی سەد ساڵی ڕابردوو، خۆی بەسەرماندا تاقی کاتەوە و مەینەتیمان بۆ بە دیاری بێنێ.
ئێوی زلهێز وهاوبیرەکانتان، هاودید و هاو ئایدیۆلۆژیەکانتان، بە ناوی مەفاهیمی لاستیکیی مافی مرۆڤ و ئایدیۆلۆژژیای چەپ و ڕاست و قوتابخانەکانی سۆسیالیزم و لیبڕالیزم و نیپۆتیزم و….جەنگی ساردو گەرمی پاراستنی بەرژەوەندیە ئابوری و ژیۆپۆلیتیکیەکانتانەوە، چیتان خواست کردتان، چیتان ویست بردتان و تەنیا بۆ ساتێکیش سڵتان لە دووفاقیەتی پڕ شەرمەزاریتان بەرامبەر بە کورد و دۆزە ڕەواکەی نەکردەوە.
ئێوه هه ر ئه وانه ن، نه گریانی دایكانی جه رگ سووتاو، نه ئاهو ناڵه ی كۆرپه ی به ناپاڵم و كیمیاوی پێكراو، نه بۆنی خه ڵوزی جه سته ی سووتاو و كانیاوی ته قینراوو وشك كراوو دارو دره ختی له ریشه هه ڵكیشراوو گوندو ئاوه دانی ته خت كراوو سوتماك كراو، گۆڕی به كومه ڵ و بۆنی سارین و گازی ژه هراوی، ڕۆژێک لە ڕۆژان ویژدانی نه خۆش و دڵ و ده روونی كرم لێدراوو دارووخاوتانی نه جوڵاند و به نقه و خامۆشی و بێ هه ڵوێستیتانه وه، چاوی کوێرتان له ئاست تاوانی ملهورانی به غدا و تراژیدیای لە بن نەهاتووی میژووی كورد، داخست و به بێ ده نگیه مه رگهێنه ره كه تان، دوو فاقیه تی راسته قینه و سیمای دێوه زمه یی شاراوه تان، نامروڤانه و مردووئاسا ده رخست.
هه ربۆیه ش زۆر بێ شه رمانه، زور به دڵره قی، ترسنوكانه ، گه له ك درۆزنانه و دوو روویانه، ئیستاش وه ك ورچی ناو به فر، چاوو ویژدانتان به رامبه ر ملهوریی دیكتاتورو دایكی شیره ده ری داعش و هێمای فاشیزمی رادیكالی نه ژادی و ده مارگیریی ئایینی، سوڵتانە بێ عه با و بێ حەیاو بێ میزه رەکەی سه ر لێ شێواو و سه ر قافڵه ی كاروانی به ربه ریه ت و شوفینیزمی نه خۆش و مۆرانە لێدراوو بۆگه نی نه ته وه په ره ستی و سەردەمی پۆست ئه تاتورك داخستووه!!!
ئێوە تەنیا خەمتان، ڕاگرتنی تەوژمی پەنابەرانە..نەوەکا سوڵتانە سەرلێشێواوەکەی ئانکارا دەرگای کۆچیان بەرەو ماڵەکانتان بۆ بکاتەوەو بتانخاتەوە بەردەم شکستی هەڵبژاردنەوە.
ده ك رووتان ره ش بیت و شه رمه زاری میژوو بن، هه روه ك پێشتر، دوو جار، شه رمه زار و سه ركز به رامبه ر دیرۆكی مروڤایه تی ڕیسوا بوون، به ڵام په ندتان لی وه رنه گرت و لە بازرگانی کردن بە چەمکەکانی قۆتابخانەی مرۆڤایەتی بەردەوام بوون و کردتان بە کارتێکی سیاسی و ئابوری ئابوری بەر، لە پێناو بەرەو پێشەوە بردنی بەرژوەندیە ڕەنگاو ڕەنگەکانتان و شکاندنی شکۆی مرۆڤایەتی بە گشتی و کوردی ژێر دەستە بە تایبەتی.
