رۆژی سێ شەممە رێکەوتی ٢٠١٧/٨/٢٩ ، وەفدێکی نوێنەرایەتی هەرێمی کوردستانی پارتی دیموکراتی گەلان HDP ،سەردانی مەکتەبی سیاسی بزووتنەوەی دیموکراتی گەلی کوردستانیان لە شاری هەولێر کرد و لەلایەن هاوڕێ مام خدر سکرتێری گشتی و قهار محمد و نەهرۆ جلال ئەندامانی مەکتەبی سیاسی پێشوازییان لێکرا ..
بارودۆخی سیاسی کوردستان و عێراق و ناوچەکە و دوایین ئاڵوگۆڕ و پەرەسەندنەکان لە گۆشە و بۆچوونی جیاوازەوە باسی لێوەکرا و هەردوولا گفتوگۆی هەمەلایەنەیان لەم بارەیەوە کرد و دید و تێڕوانینی خۆیان بۆ رووداو و ئاڵوگۆڕەکان خستەڕوو ، هەر لەم کۆبوونەوەیەدا جەخت لەسەر یەکریزی و تەبایی هێز و لایەنە سیاسیەکان کرایەوە لە پرسە نەتەوەیی و نیستیمانیەکان بۆ لەگۆڕنانی خەونی دوژمنانی کورد کە هەمیشە لەهەوڵی پەرتەوازەیی دوورکەوتنەوەی پارچە دابەشکراوەکانی کوردستان بوونە .
وەفدی میوان لەکۆتاییدا پیرۆزباییان لە ٢٢ هەمین ساڵرۆژی دامەزراندنی بزووتنەوەی دیمکوراتی گەلی کوردستان کرد و هیوایان خواست بزووتنەوە لەسەر سیاسەتە نەتەوەیی و نیشتیمانیەکانی و پاڵپشتی و هێز و لایەنە سیاسیەکانی هەر چوار پارچەی کوردستان بەردەوام بێت بۆ زیاتر بەرەوپیش چوونی دۆزی رەوایی گەلەکەمان .