هەندێكجار كچان دەكەونە ئەو هەڵەیەی كە دەچنە پەیوەندییەكەوە كە بەكاردەهێنرێن لەلایەن كوڕانەوە، بە مەبەستی لەبیركردنی كەسێك كە پێشتر لە ژیانی ئەو كوڕەدا هەبوە، ئەمەش وادەكات پەیوەندییەكی شكستخواردویان هەبێت و درێژە نەكێشێت.
كچان دەتوانن بەم چەند ئاماژەیە دڵنیاببنەوە كە لەو پەیوەندییەدا بەكاردەهێنرێن.
1. بەردەوام باسی خۆشەویستی پێشوی دەكات، تەنانەت ئەگەر بە نەرێنیش بێت و لۆمەی بكات، یاخود بەردەوام تۆ بەو بەراورد دەكات.
2. مامەڵەكانی تێكەڵن، ئەمڕۆ گەرم و گوڕە لەگەڵت، بۆ سبەینێ مامەڵەكردنی ساردە و دوردەكەوێتەوە لێت.
3. قوڵ نابێتەوە لە هەستەكانی، هیچ كاتێك باسی پلانی داهاتوی لەگەڵ تۆدا ناكات، هاوڕێكان و خێزانەكەی نابینیت.
4. تەنها ئەوكاتە پەیوەندیت پێوەدەكات كە بێزارە و پێویستی بە پەناگەیەكە ئاسودە بێت تێیدا.
5. پەیوەندی هاوڕێیەتی لەگەڵ هاوڕێكانی هەیە و هێشتا نزیكییانە.
6. یادگارییەكانی خۆشەویستی پێشوی هەڵگرتوە و لەناویان نابات.
سەرچاوە:خەندان