هاوڕێ مام خدر ،پەیامێکی ماتەمینی ئاراستەی حزبی شیوعی و خانەوادەی هاوڕێ عادل دەکا

سەبارەت بە کۆچی ناوادەی هاوڕێ عادل ئیبراهیم به‌رپرسی كۆمیته‌ی رێكخستنی شه‌قلاوه‌ی حزبی شیوعی كوردستان، هاوڕێ مام خدر سکرتێری گشتی بزووتنەوەی دیموکراتی گەلی کوردستان پەیامێکی ماتەمینی ئاراستەی حزبی شیوعی کوردستان و خانەوادەی کۆچکردوو دەکا ئەوەی خوارەوە دەقی پەیامەکەیە :

به‌رێزان / لە حزبی شیوعی كوردستان
به‌رێزان / خانه‌واده‌ی كۆچكردوو هاورێ‌ ( عادل ابراهیم )
به‌ناوی خۆم و مه‌كته‌بی سیاسی و سه‌ركردایه‌تی بزووتنه‌وه‌ی دیموكراتی گه‌لی كوردستان، پرسه‌و سه‌ره‌خۆشی خۆمان راده‌گه‌یه‌نین بۆ كۆچی ناوه‌ختی هاورێ‌ ( عادل ابراهیم ) به‌رپرسی كۆمیته‌ی رێكخستنی شه‌قلاوه‌ی حزبی شیوعی كوردستان هه‌ربه‌م بۆنه‌ خه‌مناكه‌ هیوای سه‌بووری بۆ خانه‌واده‌كه‌ی و حزبی شیوعی كوردستان ده‌خوازین ، هاوڕێ عادل یەکێک بوو لە ئینسانە تێکۆشەر و ئازادیخوازەکانی رێگای ئازادی و عەدالەتی کۆمەڵایەتی کۆمەڵگای عێراق و کوردستان و تەمەنی خۆی لەپێناوی خۆشبەختی خەڵک تەرخان کرد و توانی مێژوویەکی پرشنگدار بۆ خۆی و حزب و خانەودەکەی تۆمار بکات ، ئێمە هەموو لایەک دڵنیا دەکەینەوە بەردەوام دەبین لە درێژەدان بە خەبات و رێگای پڕ رێبواری ئەو ،بێگومان لەدەستدانی هاوڕێ عادل کەلێنێکی گەوورەی لە خەبات و تێکۆشان بۆ ئێمە جێ هێشت،بەڵام وەفاداری و دڵسۆزی ئەو بۆ حزب و شیوعیەت وامان لێدەکات تواناکانمان چەند بارە بکەینەوە بۆ ئەوەی ئەو کەلێنە گەورەیە پڕ بکەینەوە ..

بەرز و بەرێز بێت یادی هاوڕێ عادیل و هەموو ئەوانەی لەپێناوی ئازادی و عەدالەتی کۆمەلایەتی گیانی خۆیان بەخشی
 

هاورێتان /  مام خدر
سكرتێری گشتی
بزووتنه‌وه‌ی دیموكراتی گه‌لی كوردستان