بزووتنەوەی دیموکراتی گەلی کوردستان بەشداری کۆنگرەی پەیەدە دەکا

وەفدێکی بزووتنەوەی دیموکراتی گەلی کوردستان بە سەرۆکایەتی هاوڕێ مام خدر سکرتێری گشتی بزوتتنەوەی دیموکراتی گەلی کوردستان بەشداری شەشەمین کۆنگرەی پارتی یەکێتی دیموکراتیان لە رمێڵانی رۆژئاوای کوردستان کرد و پەیامی پشتیوانی و هاوپشتی بزووتنەوەکەمانی بە کوردانی رۆژئاوا و بەشداربوانی کۆنگرەکە گەیاند .

کۆنگره‌که‌ی په‌یه‌ده‌، له‌شارۆچکه‌ی رمێلانی سه‌ر به‌کانتۆنی جزیره‌ له‌رۆژئاوای کوردستان، رۆژی یەکشەممە ٢٠-٩-٢٠١٥ دەستی بەکارەکانی خۆی کرد

به‌پێی راگه‌یه‌ندراوێکی په‌یه‌ده‌، 200 ئه‌ندام له‌کۆنگره‌که‌ به‌شداری ده‌که‌ن‌و له‌سه‌ر ئاستی کوردستان‌و نێوده‌وڵه‌تیش 100 که‌سایه‌تی بانگهێشتکراون لەهەر چوار پارچەی کوردستان ، لەهەرێمی کوردستانیش هاوڕێ مام خدر وەکو نوێنەری بزوتتنەوەی دیموکراتی گەلی کوردستان بەشداری کۆنگرەکەی کرد و پەیامی هاوپشتی و پشتیوانی بزووتنەوەی لە باشور بە کوردانی رۆژئاوا گەیاند .

په‌یه‌ده‌ ئێستا هێزی باڵا ده‌سته‌ له‌رۆژئاوای کوردستان‌و هه‌ردو هێزه‌ چه‌کداره‌که‌ی، یه‌کینه‌کانی پاراستنی گه‌ل (یه‌په‌گه‌) ‌و یه‌کینه‌کانی پاراستنی ژنان (یه‌په‌ژه‌) به‌شدارییه‌کی کاریگه‌ریان هه‌یه‌ له‌شه‌ڕی دژ به‌داعش‌و گروپه‌ چه‌کداره‌کانی دیکه‌ی سوریادا.