روژی شەممە رێکەوتی ١٦/٤/٢٠١٦ شاندێكى كۆما جفاكين كوردستان ( کەجەکە) لەبارەگای مەکتەبی سیاسی بزووتنەوەی دیموکراتی گەلی کوردستان لە شاری هەولێر کۆبوونەوە.
لەم کۆبونەوەیەدا کە لەلایەن هاوڕێ مام خدر سکرتێری گشتی و خلیل محمود و قهار محمد ئەندامانی مەکتەبی سیاسی پێشوازییان لێکرا ، باردودۆخی سیاسی کوردستان و عیراق و ناوچەکە بە گشتی باسی لێوەکرا هەردوولا راشکاوانە دیدوبۆچۆنی خۆیان لەسەر رووداوەکانی سەر گۆرەپانی سیاسی ئاڵوگۆڕکرد .
شیاوی باسە وەفدی کەجەکە سوپاس و دەستخۆشیان ئاراستەی بزووتنەوەی دیموکراتی گەلی کوردستان کرد کە زۆر ڕاشکاوانە پشتگیری هەموو هەنگاوەکانی برایانیان لە بەشەکانیتری کوردستان کردووە و هەڵوێستی نەتەوەیی و نیشتیمانی بزووتنەوەیان بەرز نرخاند لە پرسە نەتەوەیەکان دژی داگیرکەران و تیرۆرستان بەبێ گوێدانە ئینتمایی حزبی .
هاوڕێ مام خدر لە دانیشتنەکە جەختی لەسەر ئەوە کردەوە ئێمە وەکو بزووتنەوەی دیموکراتی گەلی کوردستان لەپێناو ئەو هەڵوێستە نەتەوەییانەمان باجی گەورەمان داوە، بەڵام باکمان نیە و گرینگ ئەوەیە بەرامبەر برا و هەڤالەکانی خۆمان پشتیوان بین بۆ پیشخستنی دۆزی گەلی کورد .
لە کۆتاییدا تاکید لە پەیوەندی و هەڵوێستی هاوبەشی نیوان هەردوولا کرایەوە بۆ زااڵبون بەسەر داگیرکەرانی کوردستان و تیرۆرستانی داعش و لەگۆڕنانی پلانی رەشیان .
