پڕۆژەی (ژن‌و دڵڕەقی میدیا) راگەیاندرا

نوێنەری سەنتەری میترۆ بۆ داكۆكی لەمافی رۆژنامەنوسان راشیگەیاند “سەنتەری میترۆ بڕیاریداوە لەقۆناغی داهاتودا هاوشان لەگەڵ پرۆسەی چاودێریكردنی دەسەڵات بۆ پاراستنی مافی رۆژنامەنووسان‌و دانانی سنورێك بۆ سەركێشی سیاسییەكان، بەهەمان شێوە چاودێری دامەزاروەكانی میدیاش بكات بۆئەوەی لەبەرامبەر هەر پێشێلكارییەك هەوڵی راستكردنەوەیان بدات”.

هاوكات خانم رەحیم بەڕێوەبەری رێكخراوی ئاسودە بۆ داكۆكی لەمافی مێینە لەو مەراسیمەدا رایگەیاند “ئاشكرایە ژنان‌و كچانی ئێمەش هاوشێوەی هاوڕەگەزەكانیان لەجیهاندا بێبەش نین لەروبەڕوبونەوەی هەڕەشە‌و توندوتیژی، هەڕەشە‌و توندوتیژیش فرەچەشنن‌و شێوازی جۆراوجۆریان هەیە، بۆنمونە ئەو مەرگەساتەی  بەسەر كچان‌و ژنانی ئێزیدی هێنرا”.

راشیگەیاند “ئامانجی كۆبونەوەی ئێمە ئەوەیە لەسەر جۆرێكی تری توندوتیژی بوەستین كەبەنەزانین بێت یان بەئەنقەست، دەرهەق بەژنان‌و ژنان‌و كچانی ئێمە دەكرێت، ئەویش توندوتیژی میدیاییە دیارە میدیا‌و ماس میدیا بەجۆرێكی مەترسیدار رۆژانە لەسەر جەستە‌و رۆحی ژنان كاردەكەن”.

خانم رەحیم ئەوەشی خستەڕو كە “ئەم توێژینەوەیە بەهاوبەشی سەنتەری میترۆ‌و رێكخراوی ئاسودە ئەنجامدراوە‌و خوێندنەوەیەكە بۆ هەندێك روماڵی میدیای كوردی كەلەسەر پرسەكانی ژنان‌و رەهەندە مەترسیدارەكانی ئەم چەشنە كاركردنە وەستاوە”. 

وتیشی “ئەمەش بەو مانایەی پرۆژەكە لەسەر دیوە خراپەكانی میدیایی كاری كردوە، ئەم كارەش لەرێگەی وەرگرتنی ئەو نمونانەی كە دواجار دەچنە چوارچێوەی پێشێلكاریی‌و دنەدان‌و هاندانی توندوتیژی دژی ژنان”.