گۆران هەڵەبجەیی:
لە ئەمریکاوە بگەرە تا زۆربەی وڵاتانی ئەوروپا ، بەدەگمەن وڵاتێک بەدی دەکرێت کە تێدا کاری تەرۆرستی ڕوینەدابیت.
بۆئەوەی ئافەتی تەرۆر لەو ولاتانە و لە سەرچاوەکانیانەوە کە ڕۆژهەلاتی نیوینە بنەبڕ بکرێت ،گەرەک هەندێک هەنگاو هەڵگرن. دەشێ بڕێک لەو هەنگاوانە پاش چەند ساڵێک ئامانجەکەی بێتە دی، لێ هەندێکیشیان چاوەڕوان دەکری لەئێستادا بەرهەمیان بچننەوە.
3.ڕێگەگرتن لە هەمووجۆرە چالاکیەک وەک پڕوپاگەندە کردن ، پیتاک کۆکردنەوە ،خۆپیشاندان ،نوێژکردن لە شەقام و شوێنە گشتیەکاندا لە لایەن ناوەندە ئیسلامیەکانەوە . دەرکەوتووە زۆر جار بە ناوی کاری خیرخوازیەوە پارە بۆ گرووپە تەرۆریستەکان کۆکراوەتەوە.
4.چاودێریکیردنی وردی چالاکی نێو مزگەوت و ناوەندە ئیسلامیەکان. وە کردنەوەی مزگەوتەکان تەنها لە کاتی نوێژدا.
5. لێسەندنەوەی مۆڵەتی نیشتەجێ بوون و دوورخستنەوەی لە ولات وسزادانی هەر پێشنوێژو ئیمامێک کە لە ڕێگەی وتارەکانیانەوە تووندووتیژی بڵاو دەکەنەوە .
6. چاودێریکردنی ئەو گەنجە تووندڕەوانەی کە مەترسین بۆسەر ئاسایشی ولات و ناوبەناو بانگکردنیان بۆ بنکەکانی پۆلیس.
7. جێبەجێکردنی یاساکانی دەوڵەت ،تایبەت بە خوێندنگاو باخچەی منداڵان و گەڕانەوە بۆ ستانداری ولاتەکانیان ، لادانی هەر چاوپۆشین و مراعاتێک کە پێشتر لەو شوێنانەدا بەرامبەر بە منداڵە موسوڵمانەکان کراون.
8. قەدەغەکردنی نیقاب و حیجاب لە شوێنە فەرمیەکاندا، وەک فەرمانگە، قوتابخانە.
9.سازادانی هەرکەسێک کە هەستی دژایەتی و کین و بوغز بلاو دەکاتەوە ،جا بەرمابەر بە کەسێکی ئەورپی بێت یا کەسێکی دیکە ،وەک بەکارهێنانی وشەی [ بەرازی ڕەش،مولحد،بەرازخۆر] و ئەم جۆرە وشانە کە بەردەوام بەکاردەهێنرێن . تەنانەیت زۆرێک لە منداڵەکانیشیان فێری ئەو وشانە کراون.
10.قەدەغەکردنی سەفەر لەو گەنجە مەترسیدارانە بۆ ئەو وڵاتانەی جێگەی گروپە تەرۆریستەکانە ،وەک ئیراق ،سوریا ، تورکیا.
11. قەدەغەکردنی کاری دەعەوی و ڕاکێشانی گەنجە ئەوروپیەکان بۆ نیو حیزبە ئیسلامیەکان لە قوتابخانەکاندا. ئەم کێشەیە لە دانمارک بە زەقی دیارەو تا ئێشتا دەسەڵاتداران نەیانتوانیوە سنوورێکی بۆ دابنێن.
12.دابینکردنی دەرفەتی کار و خوێندن و ژیانێکی شایستە بۆ گەنجە بێکارەکان ،تا نەبنە خۆراکی مزگەوت ومەلا تووندرەوەکان. دەرکەوتووە بێکاری هۆکارێک بووە بۆ نزیکبوونەوەی زۆرێک لەو گەنجە موسوڵمانانە بە ڕێکخراوە تەرۆریستەکانەوە.
هەرچیش پەیوەندی بە سەرچاوەکەوە هەیە ،گرنگە ئەم ڕێگانە بگرنە بەر:
1. هاوکاری سەربازی و لۆجستی ئەو ولاتانەی دەناڵێنن بەدەست تەرۆرەوە.
2.وشککردنی سەرچاوەی دارایی ڕێکخراوە تەرۆریستەکان.
3.سنوردانان بۆ ئەو وڵات و کەسانەی هاوکاری مادی ئەو ڕێکخراوانە دەکەن، کە لە ڕۆژی ئەمڕۆدا چ وەک ولات و چ وەک کەسانی پارەدار دیارن.
4. هاوکاری مادی ئەو ولاتانەی کە کیشەی ئابووریان هەیە ، تا هەلی کار بڕەخسێت بۆگەنجەکان و ژێرخانی ئابووری بگەشێتەوە. بەمەش گەنجان چەند هەنگاوێک لە حیزب و ڕێکخراوە ڕادیکاڵەکان دوور دەکەونەوە.
5.ئەم خالە لە هەمووی گرنگترە ،ئەویش هەوڵدان بۆ چارەسەری کێشەی سیاسی ولاتانی ڕۆژهەلاتی نێوین ،و هاوکاری ئەو ولاتانە بۆ پەیڕەو کردنی سیستەمێکی مەدەنی و ئینسانی و دیموکراتی ،کە تێیدا کەرامەتی هاووڵاتیان پارێزراو بێت وهەموو تاکێک هەست بە مانای هاولاتی بوون بکات .