سەنتەری میترۆ بڵاویکردەوە، بەهۆی شاردنەوەی زانیاری لە هاوڵاتیان و میدیاكاران، نەتوانراوە بەشداری چالاكانە بكرێت لە ئاشكراكردنی دۆسییە زۆر و زەوەندەكانی گەندەڵی.
ئاماژە بەوەشکراوە، پێویستە بەڵگەنامە و ئامارە فەرمییەکان بخرێنە خزمەتی هاوڵاتیان، میدیاكان، رێكخراوەكانی كۆمەڵی مەدەنی و پسپۆران، تاوەکو ببنە هاوبەش لە پرۆسەی بەگژداچونەوەی گەندەڵی.
ئەوەشخراوەتەڕوو، نابێت زیرەکی دەستکرد بكرێت بە ئامرازێكی دیکە بۆ ساختە هەواڵ و زانیاری گەمەپێكراو، یان پێشێلكردنی مافە بنەڕەتییەكانی هاوڵاتیان.
باس لەوەشکراوە، “زانین مەرجێكی گرنگە بۆ حكومداری باش ، پەیوەندی نێوان مافی زانین و دیموكراسیەت لە یەكدی جیاناكرێنەوە، دەستگەیشتن بە زانیاری و بڵاوكردنەوەی بە شێوەیەكی ئازاد، سیستمی دیموكراسی بەهێز دەكات، هەروەك بە پێچەوانەشەوە نەبوونی زانیاری رێگە خۆشدەكات بۆ گەندەڵی و چەواشەكاری و بڵاوبوونەوەی هەواڵی ناڕاست”.
