کۆنگرەی نەتەوەیی:بڕیاری پارەدانی ئەمریکا بۆ سەری رێبەرو شۆڕشگێرانی کورد ریسوا ئەکەین

بەڕێزان جەمیل بایک و موراد قەرەیلان و دوران کالکان ئەوە 40 ساڵ زیاترە بە سەربەرزیی لە ریزی پێشەوەی شۆڕشی کوردستاندان. بەڕێزان جەمیل بایک و موراد قەرەیلان هەمانکات ئەندامی کۆنگرەی نەتەوەیی کوردستانن. ئەندامێتی ئەوان لە کۆنگرەدا بۆ ئێمە جێی شانازییە. ئەو سێ رێبەرو شۆڕشگێڕە هەموو تەمەنی خۆیان بە خزمەتکردنی خەڵکی کوردستان بەخشیوە. ئێستاش شەو رۆژ بە خۆبەخشیی و بێ هیچ بەرژەوەندییەکی تایبەتی هەر لەو خزمەتە بەردەوامن. ئەو مرۆڤانە لە هەموو ژیانی خۆیاندا لە دژی زۆرداریی و داگیرکاریی تێکۆشاون، مرۆڤایەتیان پاراستووەو لە بەرامبەر زۆرداری و نادادپەروەریدا لە خزمەتی مرۆڤایەتیدا بوون. پێویستە پەیکەری زێڕین بۆ ئەو مرۆڤانە درووست بکرێن، پێویستە ناوی ئەوان بە پیتی زێڕین بنووسرێن.

حکومەتی ئەمریکا بەو هەڵوێستە نادادپەروەرو ناڕاستەی ئەبێتە هاوبەشی زۆرداری و ملهوڕیی دەوڵەتی تورکیا. ئەم هەڵوێستە لە ئەخلا ق و رەفتاری مرۆڤایەتییەوە دوورە. ئەو بڕیارە وەک بڕیارەکانی پێشووتری ” لیستی تیرۆر” و “لیستی نارکۆتیکا” لە ئەنجامی مامەڵەی قێزەوندا دراوە. بۆ ئەمریکا کوردی باش کوردی خراپ هەن. ئەوانەی لەدژی رژێمی سەدام، رژێمی ئێران و داعش تێئەکۆشن، کوردی باش بوون و کوردی باشن. ئەو کوردانەش لە بەرامبەر دەستدرێژی و داگیرکاریی دەولەتی تورکیادا تێئەکۆشن، کوردی خراپن. لە هەرپارچەیەکی کوردستاندا بێت، تێکۆشان دژی داگیرکاریی و لە پێناو ئازادیدایە. ئەو تێکۆشانەش هەر لە سەر زەویەوە تا ئاسمان پیرۆز و رەوایە. بە هەڵوێستی بەرژەوەدیخوازانەی هەندێک دەوڵەت ئەو تێکۆشانە کۆتایی نایەت.

بەو بۆنەیەوە ئێمە جارێکی تر ئەو بڕیارە شەرمەزار ئەکەین. بانگی حکومەتی ئەمریکا ئەکەین و ئەڵێن: دەست لەو هەڵوێستە دووفاقیی و ناڕەوایە هەڵگرن و ئەو لیستە نادادپەروەرانە بسڕنەوە.

دەستەی بەڕیوەبەریی کۆنگرەی نەتەوەیی کوردستان – ك.ن.ك

07.11.2018