به‌ڕێز / سه‌ندیكای رۆژنامه‌نووسانی كوردستان
رێزوسڵاو…….
له‌یادی ( 119 ) ساڵه‌ی رۆژنامه‌وانی كوردیدا جوانترین پیرۆزبایی ئاراسته‌ی ئێوه و ته‌واوی رۆژنامه‌نووسانی كوردستان ده‌كه‌ین و هیوادارین وه‌ك چۆن رۆژنامه‌نوسی ده‌سه‌ڵاتی چواره‌مه ئاواش به‌مانا راسته‌قینه‌كه‌ی مامه‌له‌ی له گه‌ڵ بكرێت و گیان و پیشه‌ی رۆژنامه‌وانان بپارێزرێ و مافه‌كانیان ده‌سته‌به‌ر بكرێت و توندوتیژی به‌رامبه‌ریان نه‌مێنێ .
به‌رێزان .. ناتوانین نكۆلی له بوونی رێگرتن له‌كاری رۆژنامه‌وانی و به‌رته‌سكردنه‌وه‌ی كاری رۆژنامه‌وانی بكه‌ین له هه‌رێمی كوردستاندا ، له هه‌مانكاتدا كاری باش ئه‌نجامدراوه به ده‌ركردنی یاسای رۆژنامه‌وانی كه زۆرێك له مافه‌كانی رۆژنامه‌نووسانی دیاریكردووه و كارئاسانی بۆ رۆژنامه‌وانان كردووه به‌لام پێویسته ئازادی زیاتر فه‌راهه‌م بكرێت بۆ رۆژنامه‌وانان بۆ ده‌سكه‌وتنی زانیاری و هه‌روه‌ها رۆژنامه‌نووسانیش پێویسته پابه‌ندی پیشه‌ی رۆژنامه‌نووسیان ببن و په‌یره‌وه‌ی ئیتیكی رۆژنامه‌نووسی بكه‌ن..
جارێكی دیكه به‌بۆنه‌ی یادی (119) ساڵه‌ی رۆژنامه‌گه‌ری كوردی جوانترین پیرۆزبایتان ئاراسته ده‌كه‌ین و هیوای سه‌ركه‌وتنتان بۆ ده‌خوازین
هه‌رشاد بن ……..
مه‌كته‌بی سیاسی
بزووتنه‌وه‌ی دیموكراتی گه‌لی كوردستان
