بەرێزان بەشداربووانی کۆنگرەی دەیەمی حزبی شیوعی عێراق،ئەندامانی هەڵبژێردراوی کۆمیتەی ناوەندی ، بەرێز هاوڕێ رائید فەهمی سکرتێری هەڵبژێردراوی کۆمیتەی ناوەندی ،هاوڕێ حمید مجید موسی سکرتێری پێشووی کۆمیتەی ناوەندی، هاوڕێیان و لایەنگران و دۆستانی حزبی شیوعی لە عێراق ، دەستی یەکە بەیەکەتان دەکوشم و پیرۆزبایی کۆتایهاتنی کۆنگرەکەتان لێدەکەم ..
هاوڕێیان ،کۆنگرەی دەیەمی حزبی شیوعی لە کاتێکدا بەسترا کە عێراق لەهەڵومەرجێکی سیاسی و ئابوری و کۆمەڵایەتی دژواردا تێپەڕ دەبێت ،دەیان کارەسات و موسیبەت رۆژانە ڕووبەڕووی خەڵکی عێراق دەبێتەوە ، تیرۆرستان لەهەوڵی بەردەوامدان بۆ ئەوەی کۆمەڵگای عێراق بگەڕێنەوە دواوە و داب و نەریتی سەدە تاریکەکان لە کۆمەڵگا بچەسپێنن ،بێکاری و نەبوونی و برسیەتی رۆژ لەدوایی لەهەڵکشاندایە ،خزمەتگوزارییەکان لە ئاستێکی زۆر نزمی ژیاندان ،جیاوازی چینایەتی بۆتە دیاردەی کۆمەڵگا بۆیە ئەرکێکی گەورە دەکەوێتە سەر شیوعی و ئازادیخوازان ، کۆمەڵکا چاوی لە شیوعیەکانە خەڵک لەنێو ئەو زەڵکاوە رزگار بکات چونکە لە ماوەی ١٣ ساڵی رابردووی ئازادکردنی عێراق زۆرێک لە هێز و لایەنە سیاسیەکان هاتنە سەر دەسەڵات و سەرکەوتوو نەبوون لە دابینکردنی ئەمنەت و عەدالەت و خۆشگوزەرانی بۆ خەڵک .
جارێکیتر سەرکەوتنی کۆنگرەی دەیەمی حزبی شیوعی عێراق تان لێ پیرۆز دەکەم و هەموومان دەست لەناو دەست بۆ بەهێزکردنی بەرەی ئازادیخوازی و مارکسیستی لەعێراق ..
هاوڕێتان:
مام خدر
سکرتێری گشتی بزوونەوەی دیموکراتی گەلی کوردستان
هەولێر
٦\١٢\٢٠١٦