مەرج نیە گیڤارا هەر چەکی پێ بێ
دەشێ وێنەکەی خودی چەک بێ
هەواداری لەهموو شوێن هەبێ
بەڕووی ملهوڕەکاندا ڕاچڵەکێ
ڕاچڵەکاندن بەچەشنی گیڤارا
سەدای بدا لە هەموو دونیا
** ** **
مەرج نیە گیڤارا هەر چەکی پێ بێ
دەشێ خۆی نەبێ و وێنەکەی بێ
لەبەری نافرەتێکی کوردیش دابێ
وەکو گیڤاراش مەردو داخ لەدڵ بێ
لەهەڕەشەی دیکتاتۆریش نەترسێ
بەڕوویدا هەڵچەرخێ تاکو دەڕووخێ
** ** **
مەرج نیە گیڤارا هەر چەکی پێ بێ
دەشێ بە بێ چەکیش هەر لەوێ بێ
وێنەکەی لە شوێنی خۆی بێ
لەڕیزی پێشەوەی ئاگرەکەش بێ
** ** **
مەرج نیە گیڤارا هەر پیاو بێ
دەشێ ئافرەت بێ و وێنەکەی پێ بێ
تووڕەیی گیڤارا لە ناخیدا بێ
وەکو گیڤاراش لە دەسەڵات یاخی بێ
** ** **
مەرج نیە گیڤارا هەر چەکی پێ بێ
دەشێ ئافرەت بێ و تایەی هەڵگرتبێ
تابەڕووی دەسەڵات گڕی بدا
بڵێ منیش گیڤارام لە ئێستادا
** ** **
هیوا عەلی:
