سایتی ئاشتی – ئاژانسەکان :به‌گۆێره‌ی ئه‌نجامی كۆتایی راپرسی مانه‌وه یان جیابوونه‌وه له یه‌كێتی ئه‌وروپا، زۆرینه‌ی به‌ریتانییه‌كان ده‌نگیان به‌جیابوونه‌وه‌ى وڵاته‌كه‌یان دا له‌و یه‌كێتیيه.
جینی واتسۆن، وته‌بێژی لیژنه‌ی باڵای راپرسی به‌ریتانیا له كۆنفراسێكی هه‌واڵیدا رایگه‌یاند، “به‌ریتانیا ده‌نگی به‌جیابوونه‌وه دا له یه‌كێتی ئه‌وروپا”.
جینی واتسۆن، وته‌بێژی لیژنه‌ی باڵای راپرسی به‌ریتانیا له كۆنفراسێكی هه‌واڵیدا رایگه‌یاند، “به‌ریتانیا ده‌نگی به‌جیابوونه‌وه دا له یه‌كێتی ئه‌وروپا”.
به‌پێی سكای نیوز عه‌ره‌بیه، به‌پێی ئه‌نجامی كۆتایی راپرسییه‌كه‌ی به‌ریتانیا، 51.9% به‌شداربووان ده‌نگیان به‌جیابوونه‌وه داوه له یه‌كێتی ئه‌وروپا و له‌به‌رامبه‌ریشدا 48.1% هاوڵاتیان به‌ریتانیا ده‌نگیان به‌مانه‌وه داوه.
سه‌رۆكی لیژنه‌ی باڵای راپرسی رایگه‌یاند كه “زیاتر له 17 ملیۆن كه‌س ده‌نگیان به‌جیابوونه‌وه‌ی به‌ریتانیا داوه له یه‌كێتی ئه‌وروپا و له‌به‌رامبه‌ریشدا زیاتر له 16 ملیۆن ده‌نگیان به‌مانه‌وه‌داوه له‌و یه‌كێتییه”.
به‌پێی ئه‌سۆشه‌یتد پرێس، ده‌سته‌ی رادیۆيی به‌ریتانیا بڵاویكردووه‌ته‌وه كه به‌ریتانیا ده‌نگی به‌جیابوونه‌وه‌دا له یه‌كێتی ئه‌وروپا و ئێیستا ئه‌و وڵاته له ده‌ره‌وه‌ی ئه‌و یه‌كێتیه‌یه.
به‌پێی فرانس پرێس، “52% هاوڵاتیانی به‌ریتانیا ده‌نگیان به‌جیابوونه‌وه داوه له به‌رامبه‌ریشدا 48% ده‌نگده‌ران ده‌نگیان به مانه‌وه‌ی وڵاته‌كه‌یان داوه له یه‌كێتی ئه‌وروپا.
وه‌زیری ده‌ره‌وه‌ی ئه‌ڵمانیا رایگه‌یاندووه كه “ئه‌مڕۆ رۆژێكی زۆر ناخۆشه بۆ ئه‌وروپاو به‌ریتانیا”.
به‌پێی BBC عه‌ره‌بی، به‌ڕیتانیه‌كان ده‌نگیان به‌جیابوونه‌وه داوه له یه‌كێتی ئه‌وروپا.
نایجل فاراگ، سه‌رۆكی پارتی سه‌ربه‌خۆی به‌ریتانیا كه له‌دژی مانه‌وه بوو له یه‌كێتی ئه‌وروپا له‌وتارێكدا له به‌رده‌م لایه‌نگرانی پارته‌كه‌ی رایگه‌یاند، “جیابوونه‌وه‌ی به‌ریتانیا له یه‌كێتی ئه‌وروپا ده‌بێته هۆی هه‌ڵهاتنی رۆژێكی نوێ بۆ وڵاته‌كه‌مان و پێویسته ده‌یڤید كامیرۆنی سه‌رۆك وه‌زیران رێژز له بڕیاری ده‌نگده‌ران بگرێت و ده‌ستله‌كاربكێشێته‌وه”.
دوای راگه‌یاندنی ئه‌نجامی كۆتایی راپرسییه‌كه، نایجل فاراگ سه‌رۆكی پارتی سه‌ربه‌خۆی به‌ریتانیا رایگه‌یاند: “یه‌كێتی ئه‌وروپا به‌ره‌و له‌ناوچوون ده‌چێت و به‌ریتانیاش تاكه وڵاته نابێت كه له‌و یه‌كێتییه جیاده‌بێته‌وه به‌ڵكۆ چه‌ندین وڵاتی تر ده‌نگ به‌جیابوونه‌وه ده‌ده‌ن”.
وتیشی: “دوای ماوه‌یه‌كی كه‌م به‌ریتانییه‌كان ئه‌نجامدانی ده‌نگدانیان به‌جیابوونه‌وه له‌یه‌كێتی ئه‌وروپا ده‌بینن كه چ سوودێكی هه‌بووه بۆ هاوڵاتیان به‌ریتانیا”.
به‌جیابوونه‌وه‌ی به‌ریتانیا له‌یه‌كێتی ئه‌وروپا چاوه‌ڕووان ده‌كرێت كه ئابووری ئه‌و وڵاته و یه‌كێتی ئه‌وروپا زیانی گه‌وره‌یان پێبكه‌وێت.
به‌پێی ئه‌نجامی كۆتایی راپرسییه‌كه‌ی به‌ریتانیا، 51.9% به‌شداربووان ده‌نگیان به‌جیابوونه‌وه داوه له یه‌كێتی ئه‌وروپا و له‌به‌رامبه‌ریشدا 48.1% هاوڵاتیان به‌ریتانیا ده‌نگیان به‌مانه‌وه داوه.
پاش جیاکردنەوە و هەژمارکردنی دەنگەکان، دەرکەوت کە زۆرینەی دانیشتوانی ئینگلتەرا و ویڵز دەنگیان بە دەرچوون داوە و زۆرینەی هاوڵاتییانی سکۆتلەندا (بە جیاوازییەکی گەورە) و ئیرلەندای باکور دەنگیان بە مانەوەی بەریتانیا لە یەکێتی ئەوروپا دا. بەپێی دەیلی مەیل.
ئینگلتەرا: ٤٧% دەنگیان بە مانەوە دا، ٥٣% دەنگیان بە دەرچوون دا
ویڵز: ٤٧% دەنگیان بە مانەوە دا، ٥٣% دەنگیان بە دەرچوون دا
سکۆتلەندا: ٦٢% دەنگیان بە مانەوە دا، ٣٨% دەنگیان بە دەرچوون دا
ئیرلەندای باکور: ٥٦% دەنگیان بە مانەوە دا، ٤٤% دەنگیان بە دەرچوون دا
لەسەر ئاستی شارەکان، چەند ئەنجامێکی چاوەڕواننەکراو تۆمارکران، دانیشتوانی شاری سەرندەرلاند لە ئەنجامێکی گەورەدا بە رێژەی ٦١% دەنگیان بە دەرچوون دا و لە شاری سوانزی، کە چاوەڕواندەرکرا مانەوە دەنگی زۆرینە بەدەستبهێنێت، ٥٢%ی دەنگدەران دەنگیان بە دەرچووندا.
لەکاردانەوەیەکی خێرادا دوای ئاشکراکردنی ئەنجامی راپرسیەکە
ده‌یڤید كامیرۆن، سه‌رۆكی وه‌زیرانی به‌ریتانیا له وتارێكدا رایگه‌یاند، دوای سێ مانگی تر ده‌ستله‌كاركێشانه‌وه‌ی خۆی له پۆسته‌كه‌ی پێشكه‌ش ده‌كات.
وتیشی “له‌پێناوی جێگیربوونی ئابووری وڵاته‌كه‌ی و كه‌مكردنه‌وه‌ی كاریگه‌رییه‌كانی بڕیاری جیابوونه‌وه‌ی به‌ریتانیا له یه‌كێتی ئه‌وروپا ئه‌م ماوه‌یه له پۆسته‌كه‌یدا ده‌مێنێته‌وەو دواتر دەستلەكاردەكێشێتەوە”.
كامیرۆن پشتیوانی مانه‌وه‌ی به‌ریتانیای ده‌كرد له یه‌كێتی ئه‌وروپا و پێشبینیش ده‌كرا به ده‌رچوونی به‌ریتانیا له‌و یه‌كێتییه ده‌ستله‌كاربكێشێته‌وه.
دوای راگه‌یاندنی ئه‌نجامی كۆتایی راپرسییه‌كه، نایگل فاراگ سه‌رۆكی پارتی سه‌ربه‌خۆی به‌ریتانیا راگه‌یاند، “پێویسته كامیرۆن واز له پۆسته‌كه‌ی خۆی بهێنێت و ده‌ستله‌كاربكێشێته‌وه”.
پێشتر فلیپ هامۆند، وه‌زیری ده‌ره‌وه‌ی به‌ریتانیا به سكای نیوزی راگه‌یاندبوو، “كامیرۆن له پۆستی سه‌رۆك وزیران ده‌مێنێته‌وه”.
