رۆژی شەممە، ١٩ى ئەیلول، تەرمى چوار لەو کەسانە گەیەنرانەوە فڕۆکەخانەى هەولێرى نێودەوڵەتى و ڕادەستى کەسوکارییان کرانەوە.
دلاوەر ئاژگەیى، نوێنەرى حکومەتى هەرێم لە یەکێتى ئەوروپا ڕایگەیاند، ئەو کەسانەى لە ناو بارهەڵگرەکەدا خنکابون ٢١ کەسیان دانیشتوى هەرێمى کوردستانن و ئەمڕۆ لە ڕێگەى فرۆکە خانەى هەولێرەوە گەیەنرانەوە هەولێر و لە وێوە بۆ سلێمانى .
ئاژگەیى ڕاشیگەیاندووە: تەرمى ئەو ٢١ کەسە بە چەند قۆناخێک دەهێنرێنەوە هەرێمى کوردستان.
لە ٢٧مانگى ڕابردوو بارهەڵگرێک سەر ڕێگایەکى گشتى وڵاتى نەمسا ڕاگیرابوو کە تەرمى زیاتر ٧٠ پەنابەرى تێدابوون کە هەموویان خنکابون و دواتر، نوێنەرى حکومەتى هەرێمى کوردستان لە نەمسا ڕایگەیاند ١٦ کەس لەو پەنابەرانى کە لە بارهەڵگرەکەى نەمسادا خنکان خەڵکى هەرێمى کوردستانن و لە داهاتوویەکى نزیکدا دەست دەکرێت بە هێنانەوەى تەرمەکانیان بۆ هەرێم.