زۆركات ژیان ئەزمونت پێدەبەخشێت و ئەزمونەكانیش فێرتدەكەن، بەڵام چی لەوە باشترە پێش ئەوەی درەنگ بێت و ژیان فێرتبكات، خۆت وانەكانی لێوەربگریت و زیاتر چێژ لە ژیانی خۆت وەربگریت.
1. رۆژێك لە خەو هەڵدەستیت و چیتر كاتت نییە بۆئەوەی ئەو كارە بكەیت كە هەمیشە ویستوتە بیكەیت، هەربۆیە ئێستا بیكە.
2. كاتی خۆت بە رونكردنەوە بەهەدەر مەدە، خەڵك تەنها گوێبیستی ئەوە دەبن كە دەیانەوێت گوێیان لێی بێت.
3. كاتێك هەڵەیەك دوبارە دەكەیتەوە، ئەوە چیتر هەڵە نییە، بەڵكو بڕیارە.
4. شتە سادەكانی ژیانت، شتە گرانبەهاكانی ژیانتن، بەڵام تەنها كەسانی ژیر درك بەم ڕاستییە دەكەن.
5. نهێنی ژیان ئەوەیە كە حەوت جار بكەویت، بەڵام هەشت جار هەڵبستیتەوە.
6. دوای دڵت بكەوە، ئەگەر بە قوڵی هەستت بۆ كەسێك هەیە دەریببڕە تەنانەت ئەگەر بەرامبەر لێشت تێنەگات، پەشیمانیی دەرنەبڕینی هەستەكانت گەورەترە لە تێنەگەیشتنی بەرامبەر لە هەستەكەت.
7. ژیان ئەوكاتەیە كە لە رێگەی گەیشتن بە ئامانجەكەت چێژ وەربگریت، نەك ئەوكاتەی بە ئامانجەكەت دەگەیت.
