جارێکیتر لەنیوەشەی (١٥\١\٢٠٢٤) لەرێگای مووشەکەوە هەولێری پایتەختی هەرێمی کوردستان لەلایەن سوپای پاسدارانی کۆماری ئیسلامی ئێران کرایە ئامانج و بەو هۆیەوە ژمارەیەک هاوڵاتی سڤیل بونەقوربانی.
لەئەنجامدا سەرەڕایی زیانەکان، ترس و دڵەراوکێی لای خەڵک دوورستکردووە و ژیان و ئاسایشی کۆمەڵگای خستۆتە ژێر مەترسییەوە و سەروەری خاک و دامودەزگاکانی حکومەتی عێراق و هەرێمی کوردستانی پێشێل کردووە.
ئێمە لە بزووتنەوەی دیموکراتی گەلی کوردستان وێڕای ئیدانەکردن و شەرمەزارکردنی ئەو کارە بێ پاساو و دوژمنکارانە. لەهەمانکاتیشدا داوا دەکەین کۆمەڵگای نێودەوڵەتی سنورێک بۆ ئەو هێرش و پەلاماردانانەی کە لەلایەن دەوڵەتانی هەرێمایەتی دەکرێتە سەر خاک و سیادەی هەرێم و عێراق دابنێن.
هەر لێرەشدا پرسە و سەرەخۆشی خۆمان ئاراستەی تەواوی خانەوادە و کەسوکاری قوربانیان دەکەین و هیوای زوو چاکبوونەوە بۆ بریندارەکان دەخوازین .
بزووتنەوەی دیموکراتی گەلی کوردستان
١٦\١\٢٠٢٤