بەداخەوە جارێکی دیکە بەشێکی دیکەی نیشتیمان کەوتە بەر پەلاماری تیرۆرستانی تاریک پەرستی دوژمن بە مرۆڤایەتی، لەکاتێکدا هاوخەمی خۆمان ڕادەگەیەنین بۆ شەهیدبوونی هاوڵاتیانی گوندی خدرجیجەی بناری قەرەچوغ و پۆلێک پێشمەرگەی قارەمان ، داوا دەکەین ئەم تاوانە بێ وەڵام نەبێت چونکە خوێنی هاوڵاتیان و پێشمەرگە هێڵی سوورن دەبێت گورزی کەمەرشکێنان لێ بسرەوێنرێ و لە ڕیشەوە وشک بکرێن.نکۆڵی ناکرێت ئەم ناوچەیە بەدرێژایی مێژوو لانکەی شۆرش و بەرخودان بووە هەربۆیەش بۆتە ئامانجی دوژمنانی کوردستان ، بۆیە پێویستە سەنگەرەکانی پێشمەرگە تۆکمەتر بکرێن و ڕێ لە پیڵانی ناحەزان و دوژمنان بگیرێت .
جارێکی دیکە هاوخەمی خۆمان ڕادەگەیەنین وسەری ڕێز بۆشەهیدان دادەنوێنین هیوا چاکبوونەوەی خێرا بۆ بریندارەکان دەخوازین.
مەکتەبی سیاسی
بزووتنەوەی دیموکراتی گەلی کوردستان
3-12-2021
3-12-2021
