به خه‌م و په‌ژاره‌یه‌كی زۆره‌وه هه‌واڵی مه‌رگی له‌ناكاو و چاوه‌روان نه‌كراوی هاورێمان هاشم مه‌لا عه‌لی ئه‌ندامی سه‌ركردایه‌تی و به‌رپرسی ناوه‌ندی كه‌ركوكی بزووتنه‌وه‌كه‌مان بزووتنه‌وه‌ی دیموكراتی گه‌لی كوردستان راده‌گه‌یه‌نین ، كه سه‌رله‌به‌یانی رۆژی شه‌ممه رێكه‌وتی 22/8/2020 ژیانئاوایی لێكردین . به‌م بۆنه خه‌مناكه‌وه سه‌ره‌خۆشی له‌خۆمان و خانه‌واده‌ی هاوڕێ هاشم و ته‌واوی ئه‌ندامان و لایه‌نگرانی بزووتنه‌وه‌كه‌مان ده‌كه‌ین . هاوڕێ هاشم جگه له‌وه‌ی سه‌ركرده‌یه‌تی به دیسپلین و دڵسۆزی كاری حزبی بوو له هه‌مانكات كه‌سایه‌تیه‌كی كۆمه‌ڵایه‌تی و مه‌یدانی بوو، هه‌روه‌ك نیشتیمانپه‌روه‌رێكی بێوێنه‌بوو بۆ كوردستان به گشتی و كه‌ركوك به‌تایبه‌تی ،به داخه‌وه له ده‌ستدانی ئه‌م هاورێ دڵسۆزه‌مان كه‌لێنێكی ئێجگار گه‌وره‌ی دروست كرد جارێكی دیكه سه‌ره‌خۆشی خۆمان دووپات ده‌كه‌ینه‌وه‌و یادویاده‌وه‌ری هاورێ هاشم به‌زیندوویی راده‌گرین .
مەکتەبی سیاسی
بزووتنەوەی دیموکراتی گەلی کوردستان
٢٢\٨\٢٠٢٠
