به‌رێز/ جه‌نابی كاك مه‌سعود بارزانی
سه‌رۆكی پارتی دیموكراتی كوردستان
به‌رێزان/ خانه‌واده‌ی تێكۆشه‌ر مامۆستا (محمدی ملا قادر )
ئه‌ندامی پێشووی مه‌كته‌بی سیاسی پارتی دیموكراتی كوردستان
سڵاوی ماته‌مینی ….
هاوخه‌می خۆمان ده‌رده‌برین بۆ كۆچی دوایی خه‌باتگێرو تێكۆشه‌ری گه‌له‌كه‌مان (مامۆستا محمدی ملا قادر) ئه‌ندامی پێشووی مه‌كته‌بی سیاسی پارتی دیموكراتی كوردستان . به‌م بۆنه وه به ناوی مه‌كته‌بی سیاسی بزووتنه‌وه‌ی دیموكراتی گه‌لی كوردستان سه‌ره‌خۆشیتان ئاراسته ده‌كه‌ین . نكۆڵی ناكرێت مامۆستا محمدی ملا قادر وه‌ك نیشتیمانپه‌روه‌رێك له‌ته‌مه‌نی لاوێتیه‌وه بیری كوردایه‌تی و شۆرشگێری له پێناو گه‌له‌كه‌ی له‌لای چه‌كه‌ره‌ی كردووه و به‌و هۆیه‌وه شانازی پێشمه‌رگایه‌تی به‌باڵای ده‌برێت.هه‌ربۆیه‌ش له مێژووی گه‌له‌كه‌مان به‌شانازیه‌وه شوێنی دیاره .
جارێكی دیكه سه‌ره‌خۆشی خۆمان دووپات ده‌كه‌ینه‌وه‌و سلاو بۆ گیانی مامۆستا محمد و ته‌واوی گیان به‌ختكردوانی گه‌له‌كه‌مان ده‌نێرین .
مه‌كته‌بی سیاسی
بزووتنه‌وه‌ی دیموكراتی گه‌لی كوردستان
16\1\2019
