بنەماڵەی رۆژنامەنوسی تیرۆر کراو ویداد حسێن لە ریگای رێکخرای پەیامنێرانی بێسنورەوە داوایەک ئاڕاستەی کۆمەڵگەی نێودەوڵەتی دەکەن.
رۆژی چوارشەممە ١٤ ئەیلولی ٢٠١٦ بنەماڵەی رۆژنامەنوسی تیرۆرکراو “ویداد حسێن” لە رێگای رێکخرای پەیامنێرانی بێسنورەوە داوایەکیان ئاڕاستەی کۆمەڵگەی نێودەوڵەتی و نوێنەری وڵاتان لە هەرێم و کونسوڵخانەکان کرد، تاوەکو فشار لەسەر حکومەتی هەرێم دروست بکەن تا بکوژی کوڕەکەیان بدۆزرێتەوە و بەسزای خۆی بگەێنرێت.
بنەماڵەی ویداد حسێن لە داواکەیاندا چۆنیەتی کوشتنی کوڕەکەیان و چۆنیەتی رودانی ئەو روداوەیان باسکردوە و ئاسایشی پارێزگای دهۆکیان بە ئەنجامدانی کردەوەکە تۆمەتبار کردوە.
ویداد حسێن رۆژنامەنوسی ئاژانسی رۆژنیوز بو لە رۆژی ١٣ ئابی ٢٠١٦ لە شاری دهۆک رفێندرا و پاش ٢ کاتژمێر لە رفاندنی ویداد لە رێگای نێوان سیمێل – دهۆک دۆزرایەوە، ئاسەواری کارەبا و چەقۆ و ئەشکەنجەدانی نامرۆڤانەیە توند بەلاشەیەوە بو، پێش گەیاندنی بە نەخۆشخانە گیانی لەدەست دا.
