نێردەی تایبەتی ئۆباما بۆ هاوپەیمانێتی دژی داعش لە عێراق ڕایگەیاند، شەڕى لەناوبردنی داعش چەند ساڵێک دەخایەنێت.
برێت مەکگۆرک، نێردەى تایبەتى ئۆباما بۆ هاوپەیمانێتى دژى داعش لە عێراق ڕایگەیاند: تا ئێستا هاوشێوەى داعشیان نەبینوە کە ٢٥ هەزار چەکدارى هەیە و لە ١٠٠ ووڵاتی جیهانەوە چەکدار ڕووی تێدەکات، بۆیە لەناوبردنیان چەند ساڵێک دەخایەنێت.
بەبێ ئەوەى ساڵەکان دیارى بکات.
ڕاشیگەیاند: پێویستە ڕاستۆگۆ بن لە سەختى شەڕی داعش.
مەکگۆرک ئاماژەى بەوەشکرد، کێشەى کۆچبەر و ئاوارەکانى سوریا و عێراق پێویستى بە هاوکارى بەپەلەى نێودەوڵەتى هەیە و ڕاشیگەیاند: واشنتۆن لە پلانیدایە کۆچبەرى سوری زیاتر وەربگرێت.
مەکگۆرک وتیشى: کێشەى ئاوارەکان بووەتە کێشەیەکى نێودەوڵەتى و بەرەنگارییەکی گەورەیە بۆ هەموو جیهان و ئاشکراشیکرد، لەگەڵ جۆن ئاڵن، نێردەى تایبەتى ئۆباما بۆ هاوپەیمانێتى دژى داعش لە عێراق و سوریا گفتوگۆدەکەن لەسەر مەلەفی ئاوارەکان.