لەچلەی شەهید عەتا،مام خدر بروسکەیەکی هاوخەمی ئاراستەی خانەوادە و بزووتنەوەکەی دەکا

برای به‌رێزمان / كاك محمدی حاجی محمود
سكرتێری حیزبی سۆسیالیستی  دیموكراتی كوردستان
به‌رێزان /  مه‌كته‌بی سیاسی و ئه‌نجوومه‌نی  سه‌ركردایه‌تی  حیزبی سۆسیالیستی دیموكراتی كوردستان
خانه‌واده‌ی  سه‌ربه‌رزی شه‌هیدی سه‌ركرده‌  (  عه‌تا )
 له‌ چله‌ی ماته‌مینی  شه‌هیدی سه‌ركرده‌ (  عه‌تا محمد حاجی محمود )  به‌ ناوی  خۆم و  مه‌كته‌بی سیاسی و  سه‌ركردایه‌تی  بزووتنه‌وه‌ی  دیموكراتی گه‌لی كوردستان سه‌ره‌خۆشی خۆمان  دووباره‌ ده‌كه‌ینه‌وه‌. پێمان وایه‌  كاكه‌ عه‌تای  شه‌هید  پیرۆزترین ناسنامه‌ی به‌ركه‌وتووه‌  به‌ شه‌هید بوونی  له‌ كاتی  پاراستنی  خاكی پیرۆزی كوردستان  چونكه‌  كاروانی شه‌هیدانمان  به‌رده‌وام  ده‌بێت تا رزگاری  یه‌كجاره‌كی  و ئاسوده‌بوونی  میلله‌ته‌كه‌شمان  قوربانیدانی و شه‌هید بوونی  ده‌وێ‌ . بۆیه‌  لێره‌وه‌  پێویسته‌  هه‌موومان  بۆ رووبه‌رووبوونه‌وه‌ی  تیرۆریستان و داگیركارانی داعش  هه‌میشه‌  له‌ سه‌نگه‌رێكی یه‌كگرتوودا بین  كه‌ ده‌بێته‌  مشتی  پۆڵاینی  وه‌ڵاممان  .  خه‌مباری خۆمان  به‌ شه‌هید بوونی  كاكه‌ عه‌تا دووباره‌  ده‌كه‌ینه‌وه‌  و به‌شداری  ئه‌م كۆسته‌ین . داوای  سه‌بووری  بۆ كاك محمدی باوكی  شه‌هید و خانه‌واده‌  سه‌ربه‌رزه‌كه‌یان و  ته‌واوی حیزبی سۆسیالیستی  دیموكراتی كوردستان  ده‌كه‌ین .
      سه‌ری رێز و نه‌وازش  و نه‌مری بۆ  شه‌هیدانمان
                                                     له‌ گه‌ڵ رێزمان
                                                                                                      براتان
                                                                                                     مام خدر
                                                                    سكرتێری گشتی بزووتنەوەی دیموکراتی گەلی کوردستان