Teacher and student in a classroom at school.
نەتەوەیەکگرتووەکان بڵاوی کردەوە، یەک لەسەر سێی زانایانی جیهان ژنن، دەشڵێن: کاتێک ژنان و کچانی زیاتر بەشداری زانست دەکەن، جیهان سوود لە داهێنان دەکات.
ڕێکخراوی نەتەوەیەکگرتووەکان بۆ پەروەردە و زانست و کەلتووری (یونسکۆ) بە بۆنەی ڕۆژی جیهانی ژنان و کچان لە زانستدا بەیاننامەیەکیان بڵاوکردەوە.
لە بەیاننامەکەددا هاتووە، یەک لەسەر سێی زانایانی جیهان ژنن و زۆرێکیان بێبەشن لە درێژەدان بە خوێندنی زانست و تەکنیکی و ئەندازیاری و بیرکاری.
ئاماژە بەوەشکراوە، کاتێک ژنان و کچانی زیاتر بەشداری زانست دەکەن، جیهان سوود لە داهێنان و دۆزینەوەی زیاتر دەکات و داهاتوویەکی بەهێزتر بۆ هەمووان دابین دەکرێت، هەر بۆیە با هانی کچان و ژنان زیاتر بدەین بۆ خوێندنی زانستی.
ڕێکخراوی نەتەوەیەکگرتووەکان بۆ پەروەردە و زانست و کەلتووری (یونسکۆ) دەلێن: داوای دەرفەتی یەکسان بۆ ژنان و کچان لە هەموو بوارەکانی زانست و تەکنیکیدا دەکەین.
