هاوڕێ مام خدر سکرتێری گشتی بزووتنەوەی دیموکراتی گەلی کوردستان بەبۆنەی هاتنەوەی جەژنی قوربان لە بروسکەیەکدا پیرۆزبایی لە خەڵکی کوردستان و عێراق و تەواوی موسڵمانانی جیهان دەکا ، ئەوەی خوارەوە دەقی بروسکەکەیە :
جه‌ژنی قوربانتان پیرۆز ..!
به‌بۆنه‌ی هاتنه‌وه‌ی جه‌ژنی قوربانی پیرۆز گه‌رمترین پیرۆزبایی ئاراسته‌ی موسلمانانی جیهان به‌گشتی و كوردستان به تایبه‌تی ده‌كه‌م،
هیوادارین جه‌ژنی قوربانی پیرۆز ببێته مایه‌ی یه‌كگرتنی هه‌موو هێز و لایه‌نه كوردییه‌كان و یه‌كخستنی هه‌موو تواناكان بۆ ئه‌وه‌ی ئه‌م قۆناغه دژواره له خه‌باتی ده‌یان ساڵه‌ی نه‌ته‌وه‌كه‌مان ده‌رباز بكه‌ین و به‌ره‌و ئاسۆیه‌كی گه‌شتر هه‌نگاو بنێین و پێویسته هه‌ماهه‌نگیه‌كی ته‌واو له‌نێوان لایه‌نه‌كان هه‌بێت و مێزی گفتوگۆ بكه‌نه كاری له‌پێشینه‌ییان بۆ رووبه‌رووبوونه‌وه‌ی ئه‌و باره ناهه‌موار و قه‌یرانه نێوخۆیی و ده‌ره‌كیانه كه گه‌له‌كه‌مانی پێ هه‌راسان بووه و ده‌خوازێت به وردی هه‌ڵوه‌سته‌یان له‌باره‌وه بكرێت .
جارێكی دیكه زۆر به‌گه‌رمی پیرۆزبایی خۆمان راده‌گه‌یه‌نین به‌بۆنه‌ی هاتنه‌وه‌ی جه‌ژنی قوربانی پیرۆز ..
مام خدر
سکرتێری گشتی
بزووتنەوەی دیموکراتی گەلی کوردستان
٩\٧\٢٠٢٢
هەولێر
