پەیامی پیرۆزبایی هاوڕی مام خدر بەبۆنەی ساڵی نوێدا ..

بەبۆنەی هاتنی ساڵی نوێی ( ٢٠٢٢ زایینی )گەرمترین و جوانترین پیرۆزبایی ئاراستەی سەرجەم خەڵکی کوردستان و عێراق دەکەم ،کرێکاران و جوتیاران و خەڵکی زەحمەتکێشی وڵاتەکەمان لەماوەی رابردوو  بە کردەوە سەلماندیان کۆڵەکەی بەرەوپێشچون و خۆراگری و دڵسۆزین و جێگای ئومێد و دوارۆژی میلەتەکەمانن بۆ بنیاتنانی کۆمەڵگایەکی بێ چین و چەوسانەوە و یەکسان . بەهیواین ساڵی نوێ ساڵی کۆتایهاتنی ناخۆشیەکان بێت.

لەکۆتا رۆژەکانی ساڵی ٢٠٢١ چەند رووداوێکی نەخوازراو بەسەر خەڵکەکەماندا هات لە ناخەوە هەمووانی هەژاند، ناخۆشترینیان لافاوەکەی شاری هەولێر و گیانلەدەستدانی دەیان رۆڵەی ئەو میللەتە بوو،هەروەها خنکانی دەیان رۆڵەیتر و نقومبونیان لە دەریاکانی ئیجە و ئینگلیز داخێکیتری کردە جەرگی هەمووان .

ئێمە لە بزووتنەوەی دیموکراتی گەلی کوردستان،هاوسۆز و هاوخەمین بۆ ئەو رووداوانە،جارێکیتر جەخت لەسەر ئەوە دەکەینەوە دەسەڵاتداران پێویستە ئەو داهاتەی لەبەردەستیانە بەشێوەیەکی عەدالەت دابەشی بکەن،بۆئەوەی کارەساتی لەم شێوەیە چەندبارە نەبێتەوە و چیتر جەرگی دایکان و باوکان داخان نەبێت.

هەر لێرەشدا بە دەرفەتی دەزانین کە باشترکردنی ژیانی کرێکاران و خوتیاران و خەڵکی بەشمەینەتی کوردستان هێنانە کایەی قانون کارێکی پێشکەوتو ، چەسپاندنی عەدالەت و یەکسانی لە کۆمەڵگا وەک بۆ هەمیشە بەرنامە ئێمە بوە و لە ساڵی نوێش جەسورانەتر کاری بۆ دەکەین، دووبارە ساڵی نوێتان پیرۆز بێت .

  مام خدر

سکرتێری گشتی
بزووتنەوەی دیموکراتی گەلی کوردستان

                  ٣١-١٢-٢٠٢١