بەئامادەبوونی هاوڕێ مام خدر سکرتێری گشتی بزووتنەوەی دیموکراتی گەلی کوردستان و وەفدێکی باڵای مەکتەبی سیاسی و ژمارەیەک ئەندام و دۆستان و کەسوکار و خانەوادە و هاوڕێیانی کۆچکردوو لە شاری کەرکوک تەرمی هاورێ مام هاشم مەلا علی ئەندامی سەرکردایەتی و بەرپرسی کۆمیتەی پارێزگاری کەرکوکی بزووتنەوەی دیموکراتی گەلی کوردستان بەخاک سپێردرا .
بەیانی رۆژی شەممە (٢٢\٨\٢٠٢٠) لە شاری کەرکوک دڵە گەورەکەی هاوڕێ مام هاشم لەلێدان کەوت و بۆ ئەبەد بەجێی هێشتین .لەکاتی ناشتنیدا مام خدر باسی لە جوامێری و دڵسۆزی و راستگۆیی هاوڕێ مام هاشم کرد لە بڕوابوونی بە پرەنسیپە ئینسانی و موساوەمە نەکردن لەسەر قەزییە نیشتیمانی و نەتەوەییەکان، مام خدر ئاماژەی بەوەشکرد بۆ هەر یەکێک لەئێمە شانازییە نزیکی ئەو کەڵە پیاوە بووین و شانسی ژیان و خەباتمان لەگەڵ ئەو پێ بڕا و بەریزگرتن لە رێبازەکەی ئەو لە ئاشتی و دیموکراسی و دادی کۆمەڵایەتی رێز لە هاوڕی مام هاشم دەگرین .
