رۆژی یەکشەممە رێكەوتی ٢٠١٩/٢/١٠ شاندێكی پارتی پارێزگارانی كوردستان پێكهاتبوو لەبەڕێزان (نەجات سورچی)سەرۆكی پارتی پارێزگاران و فەرەیدوون فرهاد شاكر ئەندامی مەكتەبی سیاسی سەردانی مەكتەبی سیاسی بزووتنەوەی دیموکراتی گەلی کوردستانیان لەشاری هەولێر كرد و لەلایەن هاوڕێ مام خدر سكرتێری گشتی بزووتنەوە و بەشێك لە ئەندامانی مەكتەبی سیاسی و سەركردایەتی بەگەرمی پێشوازی كران .
لەدیدارێکی دۆستانەدا بارودۆخی سیاسی كوردستان و عێراق و ناوچەكە باسیان لێوەكرا و دوایین ئاڵوگۆڕەکانی سەر گۆڕەپانی سیاسی بەتایبەت پێکهێنانی حکومەت و ژیان و گوزەرانی خەڵکی کوردستان خرایە بەر باس ،هەردوولا دید و تێڕوانیەکانی خۆیان خستەڕوو ،لەکۆتاییدا جەخت لە پەیوەندی مێژووی ونزیکی نێوان هەردوولا کرایەوە و وەفدی میوان بەگەرمی بەڕیکران .
