سەندیکای ڕۆژنامەنوسان داواى ئازادكردنى پێنج كه‌سه‌كه‌ ده‌كات

سەندیکای ڕۆژنامەنوسانی کوردستان هەڵوێستی خۆی لەبارەی زیندانیکردنی پێنج چالاكوان‌و ڕۆژنامه‌نوسه‌كه‌وه‌ ئاشكراكردو داواى ئازادكردنیان ده‌كات.
 سه‌ندیكای ڕۆژنامه‌نووسانی كوردستانی هه‌ڵوێستی خۆی له‌سه‌ر سزادانی پێنج چالاكوانه‌كه‌ی بادینان به‌ شه‌ش ساڵ زیندانیكردن ئاشكراكرد و ڕایگه‌یاند، “پێویسته‌ له‌ هه‌رێمی كوردستان ته‌واوی ئازادی ڕاده‌ربڕین و چالاكی مه‌ده‌نی ده‌سته‌به‌ر بكرێت”.
سه‌ندیكای ڕۆژنامه‌نووسان داواده‌كات “زیندانیكردنی چالاكوانان به‌دوربگیرێت له‌ ململانێی سیاسی و پێشێلكردنی سه‌روه‌ری یاسا”.
له‌به‌شێكی دیكه‌ی هه‌ڵوێستی سه‌ندیكای ڕۆژنامه‌نووسان باس له‌وه‌كراوه‌، داوای جێبه‌جێكردنی یاسای ڕۆژنامه‌گه‌ریی بۆ كه‌یسی ڕۆژنامه‌گه‌ریی و ڕۆژنامه‌نووسی پیشه‌یی وه‌ك خۆی له‌سه‌ر هه‌مووان ده‌كات.