سۆرانی مامە حەمە

1
شەهیدی قەڵەم، سۆرانی مامەحەمە.
تیرۆركردنی لەسەر كاری‌ ڕۆژنامەنوسیی بو، نەك سیاسیی.
بەیەكەمین شەهیدی ڕۆژنامەنوسیی كوردیی دادەنرێت.

2
سۆران محەمەد عەزیز، ناسراو بەسۆرانی مامەحەمە،
لەساڵی 1986 لەشاری كەركوك لەدایكبووە.
خەڵكی گوندی (مۆردانە)ی ناوچەی جەباریین.

3
لە كۆڕەوەكەی 1991 ماڵیان ڕوودەكاتە سلێمانی.
لەخانەوادەیەكی هەژارو ئاوارە پەروەردە بووە.
پاش پڕۆسەی ئازادیی عێراق دەگەڕێنەوە كەركوك.

4
خوێندنی سەرەتایی‌و ناوەندی لەسلێمانی تەواو كردووە.
لە كەركووك خوێندكاری پەیمانگای هونەرەجوانەكان بو.
هاوكات بەرپرسی نوسینگەی گۆڤاری لڤین بو.

5
لەچەندین دەزگای میدیایی كوردیی كاری كردووە.
سەرەتا بەشیعرو پاشان كاری ڕۆژنامەنوسی كردووە.
كەسێكی سەنگین‌و ڕۆژنامەنوسێكی بوێرو جددی بو.

6
بەهۆی كارە ڕۆژنامەوانییە جدییەكانییەوە،
چەند جارێك هەڕەشەی كوشتنی لێكراوە.
لەمانگی تەمموزی 2008 هەڕەشەكان زیاتر بون.

7
كاتژمێر 9ی شەوی 21-22ی تەمووزی 2008،
لەكەركوك چەند چەكدارێك دەچنە سەرماڵیان.
لەكاتی كردنەوەی دەرگا دەیدەنە بەردەستڕێژی فیشەك.

8
چەندین فیشەك دەنێن بەسەر دڵ‌و ڕان‌و ناوسكیەوە.
بەو شێوەیە سۆرانی مامەحەمە تیرۆر دەكرێت.
هەمان شەو تەرمەكەی لە چەمچەماڵ ئەسپەردە دەكرێت.

9
تا ئێستاش دۆسێی شەهیدكردنی سۆرانی مامەحەمە،
یەكلایی نەكراوەتەوەو بكوژانی نەدۆزراونەتەوە.
بەدوای شەهیكردنی سۆراندا زنجیرەیەك تیرۆری تر،
ڕووی لە قەڵەمبەدەستانی كورد كرد.