ڕۆڵی ئۆپۆزسیۆن لە داهاتووی كوردستان باسیلێوەکرا ..
رۆژی چوارشەممە رێكەوتی ٢٠١٨/١٢/٢٦ شاندێكی پەیوەندیەكانی یەكگرتووی ئیسلامی كوردستان پێكهاتبوو لە بەرێزان. دكتۆر محمد هاودیانی بەرپرسی دەزگای پەیوەندیە سیاسیەكان و شاندێكی یاوەری سەردانی مەكتەبی سیاسی بزووتنەوەی دیموکراتی گەلی کوردستانیان لەشاری هەولێر کرد و لە لایەن هاوڕێ مام خدر سكرتێری گشتی بزووتنەوە و شاندێكی سەركردایەتی بزووتنەوەكەمان بەگەرمی پێشوازی كران.
لەکۆبوونەوەیەکی هاوبەشدا بارودۆخی ناوخۆی کوردستان و عێراق لەدوایی دەرچوونی دەرئەنجامی هەڵبژاردنەکان و پێکهێنانی حکومەت باسی لێوەکرا و هەردوولا ڕاو دیدو بۆچوونی خۆیان تاوتوێ کرد .
لەتەوەرێکیتردا باس لە ئەرک و گرینگی ئۆپۆزسیۆن لەم قۆناغەدا کرا و کاری هاوبەشی و پێکەوەیی بۆ بەرەوپێشچوونی ئەزموونی دیموکراسی هەرێمی کوردستان جەختی لەسەر کرایەوە ،لەکۆتاییدا وەفدی یەکگرتووی ئیسلامی کوردستان بەگەرمی بەڕێکران .
